البارحه .. كانت ألم ..

    شاطر

    الملك العقرب
    نائب المدير
    نائب المدير

    الجنس : ذكر

    العمر : 31
    النتقاط : 83078
    المزاج : رايق وحنون
    العمل/الترفيه : اتصالات
    عدد المساهمات : 388
    تاريخ الميلاد : 14/12/1984
    تاريخ التسجيل : 27/06/2009
    الإيميل : kingscorpion@w.cn

    البارحه .. كانت ألم ..

    مُساهمة من طرف الملك العقرب في الجمعة يوليو 17, 2009 12:32 am

    ++..++..++..++..++..++..++..++



    البارحه .. كانت ألم ..
    البارحه .. موت و عدم ..
    البارحه .. صلى المطر ..
    صلى على روحي أنا ..
    وصلى على جرحي الألم ..
    وصلى على الذكرى ندم ..
    البارحه والله ألم ..
    البارحه كانت حياتي ...
    كلها وهم بوهم ....



    ++..++..++..++..++..++..++..++



    ماني ميت في غيابك ..
    و أنتي وصلك مات فيني..‏
    ‏ كله واحد.. رحتِ جيتي..
    الهوى هذا مساره
    أنتي خسرانه وربي..
    ما عرفتي تملكيني ‏
    ‏ صدقيني مــا خسرت ..
    إلا تفــاديت الخسارة



    ++..++..++..++..++..++..++..++



    أنا أول شجر
    أغصانه ممنوعه
    أنا أول شجر
    يشرب من دموعه
    يهاجر ظلي من تحتي
    يترك صوتي حنجرتي
    تصير السكتة مشروعة
    وبين الهجرة والهجرة
    يموت الحب من جوعه
    وتبكي خطوة عيوني
    تبكي .. تبكي مخدوعه
    أحاول امشي واتردد
    جميع دروبي مقطوعه



    ++..++..++..++..++..++..++..++



    بدري عليك
    تبكيك عيني
    من ما يبينا ما نبيه
    وش عاد اغليك..
    بدري عليك
    انك تذليني..
    ما عدت انا احبك
    ولا عدت ابيك ..
    انتهى فيني هواك
    وانتهيتي من حياتي
    انتهى قلبي .. وغرامه
    والنهايه تبتديك..



    ++..++..++..++..++..++..++..++



    آخـر الـلـيـل نـاح وأوله مـاسـرا
    .. امتلا الكون صمت وضج صوت السكون

    طـاحـت 2000 ورده بالفـؤاد وطـرا
    .. طـاري اللي وحشـتنـي لين حد الجنون



    ++..++..++..++..++..++..++..++



    من دخل بحر الهموم..
    لا يفكر به يعوم
    اسألوا من جرب الهم..
    اسألوا منهو غرق؟
    كم يقول.. العقل زينه
    والعقل مثل السفينة
    والهموم اقسي بحر
    والسفينة من ورق



    ++..++..++..++..++..++..++..++



    لا جيت انا بسامحك ..
    تبكي الجراح ما ودها ..
    مشتاق ودي اصافحك ..
    عيت يدي لا أمدها ..
    آه يالجراح ..
    راح اللي راح ..
    وراحتي ..من يا ترى بيردها ؟؟؟؟



    ++..++..++..++..++..++..++..++



    ظنيت بك شوقي ورجاي ..
    والعمر اقضي به معك ..
    والغالي يرخص لك معاي ..
    حسبي على من دلعك ..
    مسموحه أبعدي عن هواي ..
    ماقدر اجامل و اخدعك
    واسمحيلي لو تلقى سواي ..
    غيري ترى ما ينفعك ..



    ++..++..++..++..++..++..++..++



    حسمت الأمر بالفرقى ..
    شهر .. شهرين .. وثلاثه..
    عذولك زادني حرقى ..
    عذولي زادني شماته ..
    أريد انسى و أجد مرسى
    وانا من مليت من أمسى..
    وروحي تشعر بذاته ..
    حسمت الأمر


    ++..++..++..++..++..++..++..++


    يقولون العرب:
    "دار بلا مغليك"
    ما
    "تغريـــك"
    وأقول أنك:
    "بليا حب"
    كنك
    "عايشه لحالك"
    دريت ان الغلا مثل
    القدر!
    يرضيك لو يبكيك
    ولا ينفعك بعلوم
    الغلا
    ((عمك)) ولا ((خالك))
    لاتزعلي من اللي
    لازعل منك
    رجع يرضيك!
    ولا تطري كلام..
    البعد!
    ((فال الله ولا فالك))


    ++..++..++..++..++..++..++..++


    ليتني تميت طفل
    ولا كبرت
    لا جرحت..
    ولا انجرحت..
    ولا انقهرت
    ليتني تميت انا الطفل
    المشاكس
    ليتني للحين طالب
    صف خامس
    لا نجحت..
    ولا اختبرت..!


    ++..++..++..++..++..++..++..++


    أبيك
    (المطاعه)
    (المنذله)
    (المغروره)
    أنا أبيك
    (جوعي)
    و
    (شبعي)
    و
    (الفقر)
    و
    (المال)
    أنا أبيك..
    تشكيله عواطف
    كما البلور
    أبي تحتوين..
    كل التناقض
    مع الأشكال
    خـــلاص أنتهى صبري
    وتلاشت خيوط النــور
    أبعلن جنوني!!
    وش نلت من..
    ((عـــالم العـــقال))؟!


    ++..++..++..++..++..++..++..++

    أشعلي الشمــوع
    وأحرقي
    الماضي و ظلمه
    وانثري رماده
    على
    رصيف الظنون
    وأبتسمي مثل:
    ((سلطـان))
    (يستخف دمه)
    ولا
    ((ظــالــم))
    (قتل البشر عنده يهون)
    أصبحت مثل:
    ((عزيـز قــوم))..
    (ذلته أمه)!
    عقب
    ((شمـوخ الرأس))..
    (يتباها بالجنـون)!!


    ++..++..++..++..++..++..++..++


    رد علي بدافي الصوت لا اموت
    عطيني حنان الصوت لو ماتجيني
    ياليت مااسمع غير صوتك ولا صوت
    صوتك يحرك كل الاحساس فيني
    وش ينفعك لا جتك " روحي " في تابوت
    " قالوا " توفى" ومطلبه كان < صوتك > !



    ++..++..++..++..++..++..++..++



    أبسألك ياغلاتي ليه القطيعه ؟!!
    مع الأيام صارت لك طبيعه ..!!
    وأنا مدري علامك يارفيقة القلب قطعتي الوصل والدنيا وسيعه ..؟!!
    شـــــــغـــــــــــل .. ؟!!
    مـــدري زعـــــــل .. ؟!!
    أو أن الكبر يأمرك إنك تطيعينه ..؟!!
    على فــــــكـــــرة ..!!
    ترى الوصل هو حياة العمر .. وغاية ربيعه ..



    ++..++..++..++..++..++..++..++

    زهرة المنتدى
    مشرف
    مشرف

    الجنس : انثى

    العمر : 24
    النتقاط : 72565
    عدد المساهمات : 141
    تاريخ الميلاد : 23/05/1992
    تاريخ التسجيل : 04/07/2009

    رد: البارحه .. كانت ألم ..

    مُساهمة من طرف زهرة المنتدى في السبت يوليو 18, 2009 11:34 am

    تصفيق تصفيق جزاك الله كل خير




    فليتك تحلو والحياة مريرة وليتك ترضى والأنام غضاب
    وليت الذي بيني وبينك عامر وبيني وبين العالمين خراب

      الوقت/التاريخ الآن هو الخميس ديسمبر 08, 2016 11:55 am